مــنــتـديات البــــــاحــث الأفـضــــــل
مرحبا بك زائرنا الكريم في منتدياتك "الباحث الأفضل". ندعـــــوك للتسجيل والانضمام لأسرة "الباحث الأفضل" والمساهمة بآرائك. فحضورك دعم لنا وقيمة مضافة لمنتدياتنا.



 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  
إعلاناتكم هنا
المواضيع الأخيرة
» ديوان امرئ القيس
الثلاثاء أبريل 28, 2015 2:49 pm من طرف عبدالجبار

» alwasila lkobra
الثلاثاء يناير 20, 2015 2:52 pm من طرف زائر

» إِنَّ اللّهَ يُحِبُّ التَّوَّابِينَ
الجمعة فبراير 28, 2014 10:07 am من طرف ابراهيم عثمان

» نــــورســــيـــدنا رســــول الله
الأربعاء فبراير 26, 2014 9:29 pm من طرف ابراهيم عثمان

» فضل الصلاة على حضرة سيدنا رسول الله
الثلاثاء فبراير 25, 2014 9:29 pm من طرف ابراهيم عثمان

» بشائر المحبين
الأحد فبراير 23, 2014 9:15 pm من طرف ابراهيم عثمان

» الاعجاز العلمى لسماع القرأن الكريم
الخميس فبراير 20, 2014 10:38 am من طرف ابراهيم عثمان

» الصدقة
السبت فبراير 15, 2014 8:50 pm من طرف ابراهيم عثمان

» الصيام المسنون
الأربعاء فبراير 12, 2014 10:51 pm من طرف ابراهيم عثمان

» لغة وفصاحته صلى الله علسة وسلم
الجمعة فبراير 07, 2014 9:45 pm من طرف ابراهيم عثمان

» نصائح لاجتياز الامتحان
الأحد سبتمبر 22, 2013 3:57 pm من طرف مصطفى نبوي

» المراجعة الفعالة
الأحد سبتمبر 22, 2013 3:55 pm من طرف مصطفى نبوي

» الأيام الوطنية والعربية والدولية
الأحد سبتمبر 22, 2013 3:45 pm من طرف مصطفى نبوي

» النظام الداخلي للمؤسسة
الأحد سبتمبر 22, 2013 3:43 pm من طرف مصطفى نبوي

» ورقة تعريفية ببعض القواعد الإملائية
الأحد سبتمبر 22, 2013 3:41 pm من طرف مصطفى نبوي

» ميثاق الفصل الدراسي
الأحد سبتمبر 22, 2013 3:39 pm من طرف مصطفى نبوي

» الأولى باك علوم دروس+تمارين(تتمة)+ملخصات ذ.محمد شركي:مفتش اللغة العربية+الإمتحان الجهوي مع التصحيح (منقو)
السبت مايو 18, 2013 4:08 pm من طرف المدير العام

» تواريخ مباريات ولوج المراكز الجهوية للتربية و التكوين للموسم 2013/2014
السبت مايو 18, 2013 3:46 pm من طرف المدير العام

» مجموعة قصائد رائعة لمحمود درويش
الإثنين مايو 13, 2013 6:34 am من طرف المدير العام

» عاجل :النقابات التعليمية بزاكورة تدين الاقتطاعات من اجور الشغيلة و تدعو الشغيلة التعليمية الى سحب ارصدتها من البنوك جماعيا و تدعو الفروع النقابية الى الوحدة و التنسيق و تقرر خوض اضراب لمدة 48 ساعة ايام 15 و 16 ماي 2013
الأحد مايو 12, 2013 10:17 am من طرف المدير العام



شاطر | 
 

 قصيدة زجلية بعنوان " متبوعين أُو الله المعين ".

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
said idrissi
المشرف العام
المشرف العام
avatar


عدد المساهمات : 30
نقاط : 85
تاريخ التسجيل : 12/12/2011
العمر : 27
الموقع : تطوان/أرفود

مُساهمةموضوع: قصيدة زجلية بعنوان " متبوعين أُو الله المعين ".   الثلاثاء مارس 27, 2012 10:42 am

بقلم سعيد إدريسي

مْتْبُوعِينْ أُو الله المُعِينْ
(كلام من التجربة و الواقع)
*****

1

اتَّقَاوْ الله فْنْفُوسْكُمْ يَا بَشَرْ
مُستقبَل الأمّة فِي خَطَرْ
عْلاشْ الفُرُوقْ الاجْتِمَاعِيَّة
بِينْ النّاس وْ عْلاشْ الْوْجْهِيَّة
حْتَّى مْنْ الْمنظُومَة التّعلِيمِيّة
دْخْلاَتْهَا الاِعْتِبَارَات الشّخْصِيّة
اوْلاَدْهُمْ هُومَا خُصُوصِيِّينْ
أُو اوْلاَدْ الْمْزَالِيطْ عُمُومِيِّينْ
شُوفُوا شْوِيَّة لْوْلاَدْ الْمَسَاكِينْ
رَاهُمْ بِينْ أَرْبْعْ حْيُوطْ مْحْصُورِينْ
عِيبْ أُو عَارْ هَادْشِّي فْالدِّينْ
********
مُقْرَّرْ مْسْطُوكِي مْحْرُوسْ
مَا يْقْرَا فِيه غِيرْ اللِّي زْهْرُو مْنْحُوسْ
بْحَالْ جَلاَلْ أُو عبد الأمِينْ
اللِّي هُومَا زُوجْ اوْلاَدْ مَسَاكِينْ
بالصّحْ أُو الْعَمَلْ أُو الْجِدّ أُو الْيَقِينْ
كَانُواْ فْقْرَايْتْهُمْ دِيمَا مْتْفْوْقِينْ
حْتَّى وْصْلُواْ الْمْرْتَبَة اللِّي كَانُواْ يْتْمْنَّاوْ
قَالُواْ دَابَا عَادْ نْتْهْنَّاوْ
سَاعَة عَادْ بْدَاتْ الْمَشَاكِلْ
اللِّي تَابْعَة الْفُقَرَاء جِيلْ عْلَى جِيلْ
********
بْدَا جَلاَلْ دَاكْ الْمْسْكِينْ
إِهْضْرْ عْلَى حْقُّو اللِّي فْجْيُوبْ اخْرِينْ
جْرَى أُو جَارَى حْتَّى طَابُواْ الرّجْلِينْ
وَ لاَ اخْدِيمَة بْحَالْ اوْلاَدْ اخْرِينْ
اللِّي بْالْفْلُوسْ دِيمَا طَالْعِينْ
يَا قْرَاوْ يَا كَانُواْ مْتْغْيْبِينْ
حِيتْ مُسْتْقْبَلْهُمْ فْجْيُوبْ الْوَالِدِينْ
غِيرْ بْتْدْوِيرَة الْوَظَائِفْ مْشْتْتِينْ
********
مْلِّينَا أُو عْيِينَا مْنْ هَادْ الأَوْضَاعْ
أُو بْغِينَا نْرْجْعُواْ حْقْنَا اللِّي ضَاعْ
كْنَّا آلاَفْ الْبِطَالِيِّينْ
اللِّي شَوَاهِدْهُمْ فْالْوِزَارَة مْنْسِيِّينْ
بْغِينَا نْسْمْعُواْ صُوتْنَا لِلْبَرْلَمَانِيِّينْ
عْلاَّ وَ عَسَى نْلْقَاوْ شِي عَمَلْ
نْخْدمُواْ بْلاَدْنَا أُو نْحَارْبُواْ الْمَلَلْ
********
وْقْفْنَا قْدَّامْ الْبَرْلَمَانْ
أُو تْمَّا كُلّ وَاحْدْ فْشْخْصِيْتُو اتْهَانَ
رْجْعْنَا فْحَالْنَا مْهْلُوكِينْ
مْنْ جْهْدْ الزّْرَاوْطْ دْيَالْ شِي وْحِدِينْ
اللِّي بْفْلُوسْ كْثِيرَة مْكْرِيِّينْ
بَاشْ إِهْرْسُواْ لِينَا السّْنِّينْ
حِيتْ عْلَى بَالْهُمْ حَاسْبِينَّا خْدَّامِينْ
أُو عْلَى الْفُوضَة مْجْمُوعِين
********
كِيفْ إِتْقَالْ عْلِينَا فْلاَّحِينْ
مْنْ بْعْدْ هَادْ السّْنِينْ
اللِّي دْوّْزْنَاهَا فْالْمُؤَسَّسَاتْ
أُو الْيُومْ الْوَظَائِفْ عْلِينَا هْرْبَاتْ
******
نْوْصِّيكْ يَا فْلاَّحْ
قْنْعْ بْمَا عْطَاكْ الْفْتَّاحْ
الأرْضْ عْطِيهَا تْعْطِيكْ
أُو كُلّْ مَا زْرْعْتِيه فِيهَا تْرْجْعُو لِيكْ
أَمَّا شُغْلْ الدّْوْلَة خَاطِيكْ
وَخَّى تْكُونْ مْظْلُومْ اللُّومَة عْلِيكْ
فْأَرْضْكْ الْهْنَا أُو رَاحْة الْبَالْ
اللِّي شِي خْدْمَة أخْرى فَاشْ تْصِيبُو مُحالْ
إِجِيكْ الْخِيرْ أُو التّْيسِيرْ
أُو أَجْرْكْ عْند الله كْثِيرْ
يَا الْفلاّح يَا مُولْ الْقَلْبْ الْكْبِيرْ
********
أُو مْنْ بْعْدْ هَادْ الْغَرَائِبْ
تْحْيَا أَرْضْ الْمَغْرِبْ
وَخَّى حتّى شْفْنَا فِيهَا عَجَائِبْ
رَاهَا سَاكْنَة الْقْلِيبْ
********
يَا هَادْ الْقَلْبْ الْمَحْرُوقْ
وَخَّى لاَ خْدْمَة لاَ حُقُوقْ
نْبْغِي بْلاَدِي دِيمَا فُوقْ
هَادْ النَّاسْ وْقْتَاشْ تْفِيقْ
أُو لِلتَّقَدُّمْ تْشْدْ طْرِيقْ
حْنَايَا بِهُمْ عَايْقِينْ
أُو هُومَا فِيهَا زَايْدِينْ
بْلاَ مِلَّة وَلاَ دِينْ
حَاشَا وَاشْ إِكُونُواْ مُسْلِمِينْ
********
هَادْ الْحَالَة مَا تْدُومْ
لاَ بُدّْ غَايْجِي دَاكْ الْيُومْ
اللِّي يْفِيقْ فِيه الْمَحْرُومْ
أُو الْمُغتَصَب أُو الْمَظْلُومْ
أٌو كُلْ مْنْ وْعَى بْحْقُّو الْمَهْضُومْ
غَضَبْهُمْ إِتْفْجّْرْ
كُلْشِي عْلَى حْقُّو يْهْضْرْ
أُو الظَّالْمْ مَا يْتّْعْذْرْ
*****
دْوَامْ الْحَالْ مْنْ الْمُحَالْ
الْحَالَة مَا فِيهَا مَا يْتْقَالْ
أُو الْمْسْكِينْ عْلَى رَاسُو عْوَّالْ.


من تأليف سعيد إدريسي
1


مصباح العلم و تاج صحة العقل و الجسد أدامهما الله على كل مسلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبد العزيز اليوسفي
المراقب العام
المراقب العام
avatar


عدد المساهمات : 13
نقاط : 36
تاريخ التسجيل : 20/12/2011

مُساهمةموضوع: رد: قصيدة زجلية بعنوان " متبوعين أُو الله المعين ".   الثلاثاء أبريل 10, 2012 11:50 am

إن هذه القصيدة الزجلية، تضعنا رأسا في أحضان العمق الشعبي؛ البئرالأولـي للحكمة، وتفرض علينا الإنصات للغته الشعبية العفوية والتلقائية، التي تسعف الطبقة الشعبية في التعير عن واقعها المعيش والمكتوب،الحاملة لكلامه وأمآله وألآمه وأحاسيسه، وذلك من خلال الكشف عن المضمون الفكري العميق، الذي تختزنه هذه العبارات الشعبية، المنضوية تحت لواء الأدب الشعبي؛ هذا الذي يربطنا بأصولنا ومن خلاله نتعرف على ثقافتنا الشعبية، بل يمدنا في غالب الأحيان بالعون الفكري والوجداني الذي لامناص منه للعيش في الحاضر والسير في طريق المستقبل...لأن الزخم الشعبي يظل يعيش في أعماقنا الواعية واللاواعية، من هنا تنبجس القيمة الفنية للزجل، حيث هو فن ممتع ووثيقة شاهدة، ومعهما تنبثق جماليته.
كلمات تتجاوب مع الأنسان في مستوى حياته اليومية ، ويبقى الصوت المسموع فيها هو صوت الكلمة الهادفة، والفهم لناضج، والحس الصادق



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة زجلية بعنوان " متبوعين أُو الله المعين ".
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتـديات البــــــاحــث الأفـضــــــل  :: فضاء مجموعة الشباب الباحثين :: .-
انتقل الى: